«Halypalaryň ussatlyk mekdebi» atly aýdym-sazly dabaranyň çäklerinde göçme sergi
Halkymyzyň baý milli mirasyna, medeniýetine we sungatyna
sarpa goýýan hormatly Prezidentimiziň tagallasy bilen bu däp täze röwşe eýe bolýar.
Ýaşlarymyza döredijilik bilen meşgullanmaga, halypa-şägirtlik ýoluny dowam
etdirmäge ähli mümkinçilikler döredildi. Ak bugdaý etrabynyň Änew şäher
medeniýet öýünde meşhur sazandalar Amangeldi Gönibegiň, Kel bagşynyň, Mylly
Täçmyradowyň ömür-döredijiligine bagyşlanyp «Halypalaryň ussatlyk mekdebi» atly
aýdym-sazly dabara geçirildi. Dabaranyň çäklerinde Türkmenistanyň Şekillendiriş
sungaty muzeýi özüniň göçme sergisi bilen gatnaşdy.
