Hormatly Prezidentimiziň taýsyz tagallasy bilen ýurdumyzda halkymyzyň baý medeni mirasyny öwrenmekde, baýlaşdyrmakda hem-de ýaş nesillere ýetirmekde döwletli işler amala aşyrylýar. Her ýylyň 1-nji oktýabrynda Halkara Ýaşulylar güni dünýäniň dürli ýerlerinde ýokary derejede bellenilýär. Parasatly Ýaşulularymyzyň halkara güni mynasybetli Türkmenistanyň Şekillendiriş sungaty muzeýinde «Ýaşulylara sylag we hormat» atly sergi guraldy. Ajaýyp sergimizde Türkmenistanyň halk suratkeşleri Durdy Baýramowyň «Oba ýaşulysy», Ýakup Annanurowyň «Bagşy Oraz Salyr», Tamara Kiselýowanyň «Geljege nazar» ,Nyýazmyrat Dowodowyň «Berdi Kerbabaýew ýaşulylaryň arasynda» atly eserleri sergimiziň many mazmunyny has-da baýlaşdyrýar. Sergimize gatnaşan myhmanlar dana nesihatlary bilen ýaş nesillerimize görelde mekdebi bolýan ýaşulylarymyza aýratyn hormat goýýan Türkmen halkynyň milli Lideri Gahryman Arkadagymyza, Arkadagly Gahryman Serdarymyza ýürekden çykýan alkyşlaryny beýan edýärler.
