Türkmenistanyň Jemgyýetçilik guramalarynyň merkezinde Türkmenistanyň Halk Maslahatynyň, Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi geňeşiniň bilelikde gurnamagynda tegelek stoluň başynda söhbetdeşlik gurnaldy. Söhbetdeşlikde «Altyn asyr» Türkmenistan teleýaýlymynyň gepleşikleri gurnaýjysy we alyp baryjysy – Çaryýar Nazarow, Türkmenistanyň Şekillendiriş sungaty muzeýiniň Ylmy-barlag bölüminiň uly ylmy işgäri – Güljeren Güljäýewa, Türkmenistanyň Prezidentiniň ýanyndaky Döwlet gullygy akademiýasynyň Döwlet halkara hukuk kafedrasynyň uly mugallymy – Ýazmyrat Küläýew, Türkmenistanyň Döwlet çeperçilik akademiýasynyň mugallymy – Aýjemal Saryýewa dagylar gatnaşdylar. Söhbetdeşlik Bitaraplygyň binýadynyň hukuklary, dost-doganlyk gatnaşyklary, halkara guramalar, döredijilik duşuşyklary medeni sungat hyzmatdaşlyklary dogrusynda geçirildi.
