Gündogaryň beýik akyldary we danasy Magtymguly Pyragynyň çuňňur pähim-paýhasa ýugrulan dürdäne eserleri bu gün watansöýerligiň, agzybirligiň, ynsanperwerligiň belent nusgasy bolup, dünýä halklarynyň hakydasynda müdimi orun aldy. Türkmenistanyň Şekillendiriş sungaty muzeýi Türkmenistanyň Jemgyýetçilik guramalarynyň merkezi binasynda geçirilen Mirasy öwrenijileriň arasynda yglan edilen «Asyrlara ýörelge – nesillere görelde» atly bäsleşigiň jemini jemlemek dabarasynyň çäklerinde «Magtymguly Pyragynyň çeper keşbi» atly göçme sergisini gurady. Sergide muzeýimiziň gaznahanasynda saklanylýan nakgaş eserleri sergä gelen myhmanlarda uly täsir galdyrdy.
