Türkmenistanyň Şekillendiriş sungaty muzeýinde Türkmenistanyň halk suratkeşi Gulnazar Begmyradowyň 90 ýyllygyna bagyşlanan döredijilik ýatlama sergisi
Berkarar döwletimiziň täze eýýamynyň Galkynyşy döwrüniň eserlerini döretmek, Türkmenistan döwletimiziň waspyny ýetirmek, ussat suratkeşlerimiziň, kompozitordyr, bagşylaryň, medeniýet-sungat döredijilik adamlarynyň paýyna düşýär. Her bir suratkeşiň döredijiliginde ýaşan döwrüniň häsiýetini, adam keşplerini we olaryň gylyk-häsiýetlerini, şeýle hem döwürdeş suratkeşleriniň portretlerine duş gelmek bolýar. Her bir ussat nakgaşyň döredijilik häsiýetine görä-de onuň öz sungat eserleri aýratyn bolýar. Şeýle ajaýyp reňk ussatlarynyň biri bolan Türkmenistanyň halk suratkeşi Gulnazar Begmyradowyň «Pähim-paýhas ummany Magtymguly Pyragy» ýylynda doglan gününiň 90 ýyllygy bellenýär. Bu günki gün-de Türkmenistanyň Şekillendiriş sungaty muzeýinde, türkmen nakgaşlygynda mynasyp ornuny tapan, öz ýönekeýligi bilen tapawutlanýan Türkmenistanyň halk suratkeşi Gulnazar Begmyradowyň 90 ýyllygyna bagyşlanan döredijilik ýatlama sergisi guraldy. Öz döwrüniň ajaýyp ýediliginiň ilkinji sergisi 1970-nji ýylda Moskwada geçirilen bäsleşige gatnaşyp, özleriniň ussatlyklary bilen Türkmen şekillendiriş sungatyny dünýä ýaýan ajaýyp ussat ýedi suratkeşiň eserleri sergilenýär. Şol sergini ýatlap, 2024-nji ýylyň dekabr aýynyň 20-sine sungat ojagymyz bolan Türkmenistanyň Şekillendiriş sungaty muzeýiniň hemişelik sergi zalynda ýerleşdirilen ajaýyp ýediligiň keşbini kendire geçiren Türkmenistanyň sungatda at gazanan işgäri Kakajan Oraznepesowyň ýerine ýetiren “Ýedigen” atly sungat eseriniň gahrymanlarynyň ýiti galamyndan, guýma zehininden dörän nakgaş eserleri sergilenýär. Türkmen şekillendiriş sungatynyň ussatlaryny sarpalamakda, olaryň döreden ajaýyp sungat eserlerini gorap saklamakda, olary halk köpçüligine hem-de ýaş nesillerimize ýetirmekde edýän taýsyz tagallalary üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sag bolsunlarymyzy aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!