Asly nurdan dörän mukaddes türkmen topragy Türkmen halkynyň Milli Lideri Gahryman Arkadagymyzyň, Peder ýoluny mynasyp dowam edýän Hormatly Prezidentimiz Arkadagly Gahryman Serdarymyzyň parasatly baştutanlygynda eziz Diýarymyz dost-doganlygyň, parahatçylygyň ýurduna öwrüldi. Ýurdumyz halkara guramalar bilen ysnyşykly gatnaşygy saklaýar. Görnükli gurama bolan TÜRKSOÝ-yň baş maksady türki dilli halklaryň medeniýetini we sungatyny açyp görkezmekden, şeýle-de bu halklaryň arasynda dost-doganlygy berkitmekden, parahatçylygy pugtalandyrmakdan ybaratdyr. Gadymy Änew şäheriniň 2024-nji ýyl üçin Türki dünýäsiniň medeni paýtagty diýlip yglan edilmegi aýratyn bellenilmäge mynasypdyr. Oktýabr aýynyň 20-sine Türkmenistanyň Şekillendiriş sungaty muzeýinde TÜRKSOÝ-yň suratkeşleriniň biýennalyna gatnaşan suratkeşleriň işleriniň sergisi guraldy. Sergä gatnaşan suratkeşlere muzeýiň adyndan Minnetdarlyk hatlary, sowgatlar gowşyryldy. Halkara guramalar bilen hyzmatdaşlygy berkitmäge goňşy döwletler bilen dost-doganlygy ösdürmäge giň ýol açýan Hormatly Prezidentimiziň il-ýurt bähbitli, umumadamzat ähmiýetli işleri hemişe rowaçlyklara beslensin!
