Türkmenistanyň Jemgyýetçilik guramalarynyň merkezi binasynda Halkara Bitaraplyk güni mynasybetli ýurdumyzyň ýaşlarynyň arasynda yglan edilen «Köňülleri birleşdirýän sungat» atly döredijilik bäsleşiginiň jemini jemlemek we ýeňijileri sylaglamak dabarasy geçirildi. Dabaranyň çäklerinde Türkmenistanyň Şekillendiriş sungaty muzeýi özüniň ajaýyp nakgaş, heýkel, keramika eserlerinden düzülen göçme sergisini gurady. Sergide türkmen nakgaş eserlerinden Ş.Ataýewiň «Pyragyny gören daglar», W.Gurdowyň «Idris baba Medresesi», A.Hallyýewiň «Azady we Magtymguly», Z.Babaýewiň «Magtymguly Pyragy» türkmen heýkeltaraş sungaty eserlerinden A.Ataýewiň «Gopuzçy gyz», M.Myradowyň «Magtymgulynyň heýkeli» türkmen keramika sungaty eserlerinden A.Taganowyň «Suwdaky ýapraklar», S.Muhammedowanyň «Tawus» atly eserleri sergide mynasyp orun aldy.
