Türkmen halkynyň beýik ogly, akyldar, söz ussady Magtymguly atamyz türkmen edebiýatynda öçmejek yz galdyryp, ençeme gymmatly mirasy nesillere serpaý etdi. Adamzada tämiz ruhly, sagdyn ahlakly, şirin zybanly şygyrlary miras galdyran akyldaryň döredijiliginde gelin- gyzlara bagyşlap döreden ajaýyp şygyrlary aýratyn orun eýeleýär. Türkmenistanyň Şekillendiriş sungaty muzeýinde Magtymguly Pyragynyň goşgularyndan gelin-gyzlaryň waspy atly gepleşik ýazgy geçirildi. Gepleşigi Türkmenistanyň «Altyn asyr» teleýaýlymynyň Paýhas synagynyň müdüri Aknabat Klyçewa alyp bardy. Gepleşige Aşgabat şäheriniň 45-nji orta mekdebiniň mugallymy Mährijemal Bereketowa gatnaşdy. Gepleşikde Dana akyldaryň şirin şygyrlarynda gelin-gyzlaryň orny dogrusynda gyzykly söhbetler edildi. Hünärlerine ussat zenanlarymyz, umumyadamzat şahry Magtymguly Pyragynyň ajaýyp şygyrlaryny geljek nesillere ýetirmekde döwletli işleri durmuşa geçirýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyşlaryny beýan edýärler.