Hormatly Prezidentimiziň parasatly baştutanlygynda halkymyzyň gadymy däp-dessurlaryny, ynançlaryny öwrenmekde, taryhy we durmuş tejribesi esasynda döredilen milli gymmatlyklarymyzy geljek nesillere miras goýmakda tutanýerli işler durmuşa geçirilýär. Gadymy Änew topragynyň 2024-nji ýylda” Türki dünýäsiniň medeni paýtagty“ diýip, yglan edilmegi mynasybetli çärelere badalga bermek dabarasynyň çäklerinde Ahal welaýatynyň Nowruz ýaýlasynyň Ak öýinde 2024-nji ýylyň 26-njy martynda Türkmenistanyň Şekillendiriş sungaty muzeýiniň gaznahanalarynda saklanýan nakgaş, keramika, haly we gymmatly şaý-seplerden düzülen sungat eserlerinden göçme sergi gurnaldy. M. Kakabaýewiň „Paryzdepe“, G. Nurlyýewiň „Seýitjemaletdin metjidi“, S. Muhammedowanyň „Tawus“, M. Ataýewanyň „Hereket“ güldan, G. Nurlyýewiň „Änew metjidiniň toplumy XVII asyr“, M. Aşyrowanyň „Sungatyň gözbaşy“ atly işleri sergilendi. Ajaýyp sungat eserleri dabara gatnaşanlarda türki döwletlerinden gelen hormatly myhmanlarda uly täsirliri döretdi. Myhmanlar türki halklarynyň arasynda dostluk- doganlyk gatnaşyklaryny pugtalandyrmakda, ösdürmekde döwletli işleri amal edýän Hormatly Prezidentimize alkyşlaryny beýan edýärler.