Berkarar döwletiň täze eýýamynyň Galkynşy döwründe “Pähim-Paýhas ummany Magtymguly Pragy ýylymyzyň her güni ýürekleri buýsanç duýgusyndan doldurýan şatlykly wakalara beýik ýeňişlere, uly üstünliklere beslenýär. 2024-nji ýylyň 26-njy martynda Arkadag şäherindäki 1-nji ýöriteleşdirilen okuw-terbiýeçilik toplumynda, mekdep okuwçylarynyň halkara matematika olimpiadasynyň açylyş dabarasy geçirilip, Ajaýyp bilim bäsleşiginde birnäçe ýurtlardan zehinli ýaşlaryň ençemesi çykyş etdiler. Bäsleşige gatnaşan zehinli ýaşlaryň birnäçesi, Türkmenistanyň Şekillendiriş sungaty muzeýine gezelenç etdiler gezelenjiň dowamynda ussat muzeý hünärmenleri muzeýiň bölümlerinde saklanýan gymmatly sungat eserleri dogrusynda giňişleýin gürrüň berdiler. Kalplary buýsanç, duýgusyndan doly ýaşlar ylym-bilime berýän aýratyn ünsi üçin Hormatly Prezidentimize, Arkadagly Gahryman Serdarymyza alkyşlaryny beýan edýärler.
